Վրացիները Թբիլիսում շարունակում են պատրաստվել Հայաստանի դեմ խաղերին

Ինչպես Հայաստանի հավաքականը Երեւանում, այնպես էլ Վրաստանը Թբիլիսիում լրջորեն սկսել է պատրաստվել Ազգերի Լիգայի անցումային խաղերին:

Մարտի 20-ին ու 23-ին երկու երկրների մայրաքաղաքներում սպասվող հանդիպումներում ֆուտբոլիստները ցույց կտան, թե ովքեր են ավելի ուժեղ եւ արժանի նվաճելու B լիգայի ուղեգիր:

Երկու ընտրանիներն էլ մարզում են արտասահմանցի մասնագետների գլխավորությամբ: Հայաստանի ղեկին նորանշանակ Ջոն վան 'տ Սխիպն է, իսկ Վրաստանը 2021-ից մարզում է ֆրանսիացի Վիլի Սանյոլը:

Առաջին խաղը Երեւանում մեկնարկելու է 21:00-ին, իսկ պատասխան հանդիպումը Թբիլիսիում 18:00-ին է: