Հայաստանի ֆուտբոլի ազգային հավաքականը շարունակում է պատրաստվել մարտի 20-ին ու 23-ին Ազգերի Լիգայի անցումային խաղերում Վրաստանի հետ սպասվող դիմակայությանը:
Երեկ թիմի հետ մարզվել են նաեւ Արսեն Բեգլարյանը, Տիգրան Բարսեղյանը, Ուգոչուկվու Իվուն, Հրանտ-Լեոն Ռանոսը, Նարեկ Գրիգորյանը եւ Ստյոպա Մկրտչյանը:
Այսօր հավաքականի հետ կլինեն Գեորգի Հարությունյանը եւ Վահան Բիչախչյանը:
Արթուր Սերոբյանը ՀՖՖ-ի հետ զրույցում նշել է, որ ամեն անգամ հավաքականին բարձր տրամադրությամբ է միանում:
«Լրջորեն ենք մոտենում առաջիկա խաղերին, գիտենք, որ Վրաստանի հավաքականը բարդ մրցակից է, բայց ամենայն լրջությամբ ենք պատրաստվելու, որ դրական արդյունքի հասնենք: Փորձելու ենք տանը մեր երկրպագուների աջակցությամբ լավ հանդիպում անցկացնել»,- ասել է նա:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: