«Լոկոմոտիվ»-ը հրաժարվում է բավարարել Տիկնիզյանի ֆինանսական պահանջները

Հայաստանի հավաքականի պաշտպան Նաիր Տիկնիզյանն ու Մոսկվայի «Լոկոմոտիվ»-ը չեն կարողանում համաձայնության գալ նոր պայմանագրի շուրջ:

Ամենայն հավանականությամբ, կողմերի միջեւ կարող է նոր պայմանագիր չկնքվել, այդ մասին հայտնի է դարձել bookmaker-ratings.ru-ին: Մոսկովյան ակումբն արդեն Տիկնիզյանին հայտնել է, որ չի կարող բավարարել նրա բոլոր ֆինանսական պահանջները:

Նշվում է, որ 25-ամյա պաշտպանը դեմ չէ երկարաձգել պայմանագիրը, բայց ցանկանում է, որ իր աշխատավարձը մի քանի անգամ ավելանա, ինչն ակումբն իրեն թույլ տալ չի կարող:

Այս մրցաշրջանում Տիկնիզյանն իր թիմի կազմում մասնակցել է 16 հանդիպման, աչքի ընկել 2 գոլով ու 1 գոլային փոխանցմամբ: