Երեւան: Մեդիամաքս: Խորհրդային հայտնի ֆուտբոլիստ, Ուկրաինայի հավաքականի նախկին մարզիչ Լեոնիդ Բուրյակը կարծում է, որ Հայաստանի հավաքականի ֆուտբոլիստ Հենրիխ Մխիթարյանը «թիվ 1 ֆուտբոլիստն է Ուկրաինայում»:
«Շախտյորը» ներկայումս ամենապատրաստված թիմն է: Իմ կարծիքով, այդ գործում կարեւոր դեր է խաղում Հենրիխ Մխիթարյանը: Այսօր նա «թիվ մեկն է» Ուկրաինայում: Նա հանդես է գալիս եւ՛ որպես կենտրոնական հարձակվող, եւ՛ որպես հարձակողական ոճի կիսապաշտպան:
Ֆուտբոլի դաշտում Հենրիխի գործողությունների դիապազոնը բավականին մեծ է: Մխիթարյանը տիպիկ հայկական ֆուտբոլիստ չէ: Անգամ նրանց ամենահայտնի ֆուտբոլիստ Խորեն Հովհաննիսյանը չուներ Հենրիխին հատուկ արագությունը, դարպասը գրավելու նպատակասլացությունը:
Շատ լավ հայ ֆուտբոլիստների եմ ճանաչում, բայց Մխիթարյանն առանձնանում է: Նա չի խուսափում «սեւագործ» աշխատանքից: Նման ֆուտբոլիստի հետ բավականին հարմար է աշխատել»,- ասել է Լեոնիդ Բուրյակը «Սպորտ-Էքսպրեսս Ուկրաինայում» թերթին տված հարցազրույցում:
Այսօր Հենրիխ Մխիթարյանը դուրս կգա խաղադաշտ Հայաստանի ֆուտբոլի ազգային հավաքականի կազմում, որն ընկերական հանդիպում կանցկացնի Բելառուսի հավաքականի հետ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: