Հայաստանի լրագրողների հավաքականը Եգիպտոսի մրցաշարի առաջատարն է

Հայաստանի լրագրողների ֆուտբոլի հավաքականն Եգիպտոսի Հուրգադա քաղաքում ընթացող ավանդական միջազգային մրցաշարում շատ հաջող է մեկնարկել:

Մրցումային առաջին օրը լրագրողները 4 հանդիպում են անցկացրել ու 3-ում հաղթել: Հայաստանի հավաքականը 5:2 հաշվով առավելության է հասել Գերմանիայի նկատմամբ, ապա նույն 3:0 հաշիվներով ոչ մի շանս չտվել Բելառուսի ու Ուկրաինայի թիմերին:

Միակ ոչ-ոքի արդյունքը նրանք գրանցել են Եգիպտոսի Տուրիզմի գործակալության թիմի հետ: Այս պահին հայկական թիմն ընթանում է առաջին հորիզոնականում: Այսօր լրագրողները մրցելու են Սուդանի եւ Եգիպտոսի հետ:

Հայաստանի լրագրողների թիմն ունի միջազգային մրցաշարերի մասնակցության մեծ փորձ։ 3 անգամ այն բրոնզե մեդալակիր է դարձել Լիտվայում միջազգային մրցաշարում, իսկ 2018-ին Երեւանում կայացած մրցաշարում գրավել է երկրորդ տեղը։ Թիմում ընդգրկված են հայաստանյան մի շարք ԶԼՄ-ների աշխատակիցներ։

Եգիպտոսի միջազգային մրցաշարին Հայաստանի լրագրողների ֆուտբոլի հավաքականի մասնակցությանն աջակցել են «ԱՆՌԻՎԱ-ՏՈՒՐ» ընկերությունը (Air Cairo ավիաընկերության միակ պաշտոնական ներկայացուցիչը Հայաստանում) եւ «TotoGaming» բուքմեյքերական ընկերությունը։