Հայ երկրպագուները Պորտուգալիա-Հայաստան խաղի տոմսերը կարող են ձեռք բերել օնլայն տարբերակով

Պորտուգալիայի ֆուտբոլի ֆեդերացիան արդեն իրականացնում է Հայաստանի հետ կայանալիք խաղի տոմսերի վաճառքը:

Հայաստանի Հանրապետության քաղաքացիություն, ինչպես նաեւ հայկական անձնագիր կամ ID քարտ ունեցող անձինք կարող են գնել տոմսերը (10 եվրո) bilheteira.fpf.pt կայքից մինչեւ նոյեմբերի 9-ը:
 
Կայքում գրանցվելուց հետո յուրաքանչյուրը կունենա 15 րոպե տոմսի պատվիրումն իրականացնելու համար: Ամեն մեկը կարող է պատվիրել առավելագույնը 4 տոմս: Ապա օգտատիրոջ էլեկտրոնային հասցեին կուղարկվի վճարման հաստատման մասին տեղեկատվությունը:

Տոմսերը հնարավոր կլինի առձեռն ստանալ «Ալգարվե» մարզադաշտի տոմսարկղերից խաղի օրը՝ Պորտուգալիայի ժամանակով ժամը 10:00-20:30-ը:

Հայկական կողմին հատկացվել են մարզադաշտի հյուսիսային տրիբունայի 4-րդ, 5-րդ եւ 6-րդ սեկցիաների երրորդ կատեգորիայի նստատեղերը:

ԵՎՐՈ-2016-ի ընտրական Պորտուգալիա- Հայաստան խաղը կայանալու է նոյեմբերի 14-ին Ֆարո-Լուլե քաղաքի «Ալգարվե» մարզադաշտում: