Հայաստանի շախմատի կանանց հավաքականը Եվրոպայի թիմային առաջնության 8-րդ տուրում 3:1 հաշվով առավելության է հասել Թուրքիայի նկատմամբ:
Հաղթանակ են տարել Մարիամ Մկրտչյանը եւ Սուսաննա Գաբոյանը: Լիլիթ Մկրտչյանի եւ Էլինա Դանիելյանի պարտիաներն ավարտվել են ոչ-ոքի արդյունքով:
Տղամարդկանց ընտրանին նույնպես մրցել է Թուրքիայի հետ ու 2:2 հաշվով ավարտել հանդիպումը: Միակ հաղթանակը տարել է Գաբրիել Սարգսյանը: Ռոբերտ Հովհաննիսյանը եւ Հայկ Մարտիրոսյանը ոչ-ոքի են խաղացել, իսկ Շանթ Սարգսյանը՝ պարտվել:
Կանանց ընտրանին վերջին տուրից առաջ 11 միավորով 4-րդն է, իսկ տղամարդիկ՝ 9 միավորով 13-րդը:
Վերջին տուրում Հայաստանի հավաքականների մրցակիցներն են լինելու Ուկրաինայի ու Վրաստանի հավաքականները:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: