Freestyle Chess-ի հաղթողին եզրափակչում կորոշեն Արոնյանն ու Կառլսենը

ՀԱՀ-ի Քեյփթաունում ընթանում է Freestyle Chess-ի եզրափակիչ փուլը, որին մասնակցում է 8 գրոսմայստեր։

Նրանց թվում է նաեւ Լեւոն Արոնյանը, որը քառորդ եզրափակչում 3։1 հաշվով հաղթել է Հանս Նիմանին, իսկ կիսաեզրափակչում՝ Վինսենտ Կեյմերին։ Արոնյանը դուրս է եկել եզրափակիչ, որտեղ այսօր ուժերն է չափելու Մագնուս Կառլսենի հետ։ 

Հայ շախմատիստն այս տարի հավասարը չէր ունեցել Freestyle Chess-ի Լաս Վեգասի փուլում ու դարձել էր հաղթող։ 

Freestyle Chess Grand Slam Tour-ը Ֆիշերի շախմատի ձեւաչափով մրցաշարերի շարք է, որը բաղկացած է հինգ Մեծ սաղավարտի մրցաշարերից։ Յուրաքանչյուր մրցաշար ունենում է իր հաղթողը, իսկ տարվա վերջում ամենաշատ միավորներ հավաքած խաղացողը դառնում է ազատ ոճի շախմատի աշխարհի չեմպիոն: