«Գրանդ Սվիս»-ի մեկնարկը հայ շախմատիստների համար ոչ-ոքիներով առատ է ստացվել

Սամարղանդում մեկնարկել է «Գրանդ Սվիս» շախմատային մրցաշարը, որում Հայաստանը մեծ քանակությամբ մասնակիցներ ունի։

Հատկապես հետաքրքիր պայքար էր սպասվում Հայկ Մարտիրոսյանի եւ ԱՄՆ-ն ներկայացնող Լեւոն Արոենյանի միջեւ, նրանք առաջին տուրում ոչ-ոքի են գրանցել։

Շանթ Սարգսյանն էլ միավորը կիսել է Սիմոն Գումուլարզի (Լեհաստան) հետ։ 0,5 միավոր են վաստակել նաեւ Գաբրիել Սարգսյանը եւ Արամ Հակոբյանը, որոնք ոչ-ոքի են խաղացել համապատասխամնաբար Հանս Նիեմանի (ԱՄՆ) եւ Ջավոհիր Սինդարովի (Ուզբեկստան) հետ։ Իսկ ահա Ռոբերտ Հովհաննիսյանը պարտություն է կրել։

Կանանց մրցաշարում էլ ոչ-ոքիներով են իրենց պարտիաներն ավարտել Էլինա Դանիելյանը եւ Լիլիթ Մկրտչյանը: Նրանց մրցակիցներն են եղել Էլնազ Ալիախմետը (Ղազախստան) եւ Լինա Նասրը (Ալժիր)։

1-2-րդ տեղերը զբաղեցրած շախմատիստները իրավունք են ստանալու մասնակցելու 2026 թվականի հավակնորդների մրցաշարին։