«Գրանդ Սվիս»-ի մեկնարկում Հայկ Մարտիրոսյանը մրցելու է Լեւոն Արոնյանի հետ

Այսօրվանից մինչեւ սեպտեմբերի 15-ն Ուզբեկստանի Սամարղանդ քաղաքում ընթանալու է «Գրանդ Սվիս» մրցաշարը:

Հայաստանը ներկայացնում են Շանթ Սարգսյանը, Ռոբերտ Հովհաննիսյանը, Հայկ Մարտիրոսյանը, Գաբրիել Սարգսյանը եւ Արամ Հակոբյանը։ Կանանց մրցաշարին մասնակցում են Էլինա Դանիելյանը եւ Լիլիթ Մկրտչյանը:

Հենց առաջին շրջանում հայկական դիմակայություն է սպասվում՝ Հայկ Մարտիրոսյանը մրցելու է ԱՄՆ-ը ներկայացնող Լեւոն Արոնյանի հետ:

1-2-րդ տեղերը զբաղեցրած շախմատիստները իրավունք են ստանալու մասնակցելու 2026 թվականի հավակնորդների մրցաշարին։