Օգոստոս 18, 2022
2382 դիտում

Օլիմպիադա. Սարգսյանը հաղթանակ է բերել Հայաստանին Հնդկաստանի հետ պայքարում


Լուսանկարը` ՖԻԴԵ


Հայաստանի շախմատի տղամարդկանց հավաքականը շարունակում է փայլուն ու վստահ հանդես գալ Չեննայում ընթացող Համաշխարհային Օլիմպիադայում:

Այսօր հայ շախմատիստները 2,5:1,5 հաշվով առավելության են հասել Հնդկաստանի ընտրանու նկատմամբ:

 

3 դիմակայություն՝ Հրանտ Մելքումյան-Վիդիթ Սանթոշ, Սամվել Տեր-Սահակյան-Արջուն Էրիգայսի եւ Ռոբերտ Հովհաննիսյան-Նարայանան ավարտվել է ոչ-ոքի արդյունքով:

 

Ամենավերջինն իրենց պարտիան առաջին խաղատախտակին ավարտել են Գաբրիել Սարգսյանն ու Պենտալա Հարիկրիշնան: Հայ գրոսմայստերը համառ պայքար է ծավալել ու Հայաստանի ընտրանուն բերել կարեւոր հաղթական միավոր:

 

Հայաստանը 15 միավոր ունի ու առաջատարն է, այն 1 միավորով գերազանցում է Հնդկաստանի 2-րդ թիմին ու Ուզբեկստանին:

 

Համաշխարհային Օլիմպիադայի ավարտին մնացել է 3 տուր, վերջին պարտիաները կայանալու են օգոստոսի 9-ին:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին