ՖԻԴԵ-ն կազմակերպել է առցանց շախմատի Աշխարհի առաջին ուսանողական առաջնությունը, որում բավական հաջող են հանդես եկել Հայաստանի ներկայացուցիչները:
Կայծակնային շախմատի տղամարդկանց մրցաշարի հաղթող է դարձել Հայկ Մարտիրոսյանը, նա 7 հնարավորից վաստակել է 5,5 միավոր: 2-րդ տեղը զբաղեցրած ու նույնպես 5,5 միավոր վաստակած հնդիկ Պաներսելվամ Ինիյանին նա շրջանցել է լրացուցիչ ցուցանիշներով:
Կանանց մրցաշարում էլ 1-ին տեղն է գրավել Աննա Սարգսյանը, նա 6 միավոր է վաստակել:
Մրցաշարին մասնակցել են աշխարհի 84 երկրների 960 համալսարանների շախմատիստներ:
