Սինքֆիլդի գավաթի վերջին տուրում Արոնյանը կխաղա Սոյի հետ

Սենթ Լուիսում ավարտին է մոտենում շախմատի Սինքֆիլդի գավաթի խաղարկությունը: Մրցաշարի ավարտին մեկ տուր է մնում:

Նախավերջին` 10-րդում Լեւոն Արոնյանը հանդիպել է Դին Լիրենին (Չինաստան): Պարտիան ավարտվել է ոչ-ոքի արդյունքով: Արոնյանն ունի 4 միավոր ու հետնապահների թվում է:

4-ական շախմատիստներ 5,5-ական միավոր ունեն ու տեղավորվել են մրցաշարային աղյուսակի 1-4-րդ տեղերում: Նրանք են Յան Նեպոմնյաշնին (Ռուսաստան), Մագնուս Կարլսենը (Նորվեգիա), Սերգեյ Կարյակինը (Ռուսաստան) եւ Վիշվանաթան Անանդը (Հնդկաստան):

Լեւոն Արոնյանի վերջին մրցակիցը Սենթ Լուիսում լինելու է  Ուեսլի Սոն, որը նույնպես 4 միավոր ունի: