Հայաստանի կանանց թիմը շարունակում է վստահ մասնակցել Օլիմպիադային

Հայաստանի կանանց հավաքականը շախմատի համաշխարհային Օլիմպիադայում շարունակում է հիանալի արդյունավետություն ցույց տալ:

Կին շախմատիստները 4-րդ հաղթանակն են տարել: Այս անգամ նրանք 2,5:1,5 հաշվով առավելության են հասել Իտալիայի ընտրանու նկատմամբ:

1-ին ու 2-րդ խաղատախտակների վրա Էլինա Դանիելյանն ու Լիլիթ Մկրտչյանը հաղթել են Օլգա Զիմինային ու Ելենա Սեդինային: Աննա Սարգսյանը զիջել է Դեսիրե Դի Բենեդետտոյին, իսկ Մարիա Կուրսովան՝ ոչ-ոքի խաղացել Մարիա Բրունելլոյի հետ:

Կանանց հավաքականը վաստակել է 8 միավոր ու 5-րդն է: Այսօր կայանալիք 5-րդ տուրում այն մրցելու է առաջատար Չինաստանի հետ: