Շախմատի միջազգային ֆեդերացիան այսօր հրապարակել է մարտ ամսվա դասակարգման աղյուսակը:
Լեւոն Արոնյանը նահանջել է երկու հորիզոնականով եւ այժմ 2774 միավորով զբաղեցնում է 9-րդ տեղը:
Հայաստանի շախմատիստներից լավագույն 100-յակում են նաեւ Սերգեյ Մովսիսյանը (63-րդ հորիզոնական), Վլադիմիր Հակոբյանը (67-րդ հորիզոնական) եւ Գաբրիել Սարգսյանը (87-րդ հորիզոնական):
ՖԻԴԵ-ի ցուցակը շարունակում է գլխավորել Աշխարհի չեմպիոն Մագնուս Կարլսենը (Նորվեգիա), որն ունի 2838 միավոր:
