Հայաստանի բռնցքամարտի առաջնության պայքարն ու չեմպիոնները լուսանկարներով

Հայաստանի բռնցքամարտի տղամարդկանց առաջնությունն այս տարի բավական դիտարժան ու լարված պայքարում է անցել:

Եզրափակիչների ժամանակ «Դինամո» մարզադահլիճի տրիբունաներում մեծ քանակությամբ երկրպագուներ կային, որոնք ակտիվ կերպով աջակցում էին մարզիկներին:

Մրցաշարում իրենց կարողացան դրսեւորել ինչպես փորձառու բռնցքամարտիկները, այնպես էլ երիտասարդները, որոնք առաջին անգամ ոսկե մեդալներ նվաճեցին:

Հաղթողներ դարձան Բարեղամ Հարությունյանը (48 կգ), Արեն Ասլամազյանը (51 կգ), Դավիթ Եգորյանը (54 կգ), Ժիրայր Սարգսյանը (57 կգ), Արթուր Բազեյանը (60 կգ), Նարեկ Հովհաննիսյանը (63,5 կգ), Արարատ Հարությունյանը (67 կգ), Զավեն Գալստյանը (71 կգ), Վախթանգ Հարությունյանը (75 կգ), Համլետ Ադամյանը (80 կգ), Ռաֆայել Հովհաննիսյանը (86 կգ), Դավիթ Սիմոնյանը (92 կգ) եւ Դավիթ Չալոյանը (+92 կգ)։

Նրանց մասնակցությամբ լարված մենամարտերին ներկա է եղել ու լուսանկարներ է պատրաստել Mediamax Sport-ի լուսանկարիչը: