Հայաստանի բռցքամարտի թիմը Բանգկոկում անցկացրել է առաջին մարզումը

Հայաստանի պատվիրակությունն արդեն Բանգկոկում է, որտեղ բռնցքամարտիկները մասնակցելու են Օլիմպիական վարկանշային վերջին մրցաշարին։

Հայաստանի ֆեդերացիայից տեղեկանում ենք, որ հավաքականն անցկացրել է առաջին մարզումը։

Մրցաշարի կանանց պայքարում հանդես են գալու Անուշ Գրիգորյանը (50 կգ), Եկատերինա Սիչեւան (54 կգ) եւ Անի Հովսեփյանը (66 կգ)։ Տղամարդկանց թիմում հայտավորված են Բարեղամ Հարությունյանը (51 կգ), Արթուր Բազեյանը (57 կգ), Նարեկ Հովհաննիսյանը (63,5 կգ), Գուրգեն Մադոյանը (71 կգ), Ռաֆայել Հովհաննիսյանը (80 կգ), Նարեկ Մանասյանը (92 կգ) եւ Դավիթ Չալոյանը (+92 կգ):

Պայքարը մեկնարկելու է մայիսի 24-ին ու տեւի մինչեւ հունիսի 2-ը։ Հայաստանի բռնցքամարտի թիմն այս պահին Օլիմպիական ուղեգիր չունի։