Հայաստանի ըմբշամարտի ֆեդերացիա․ Ալեքսանյանը կմասնակցի Աշխարհի առաջնությանը

Սեպտեմբերի 13-21-ը Զագրեբն ընդունելու է ըմբշամարտի Աշխարհի առաջնությունը։

Ըմբշամարտի միջազգային ֆեդերացիան այսօր ներկայացրել է հավաքականների նախնական հայտերը, որոնց մեջ ներառված են նաեւ հայ մարզիկները։

Մինչեւ 97 կգ քաշային կարգում գրված է Հայկ Խլոյանի անունը։ Հայաստանի ըմբշամարտի ֆեդերացիան պաշտոնական հայտարարությամբ նշել է․ «Միջազգային ֆեդերացիան հայտարարել է ԱԱ-ին մասնակցող նախնական կազմեր, սակայն չի նշանակում, որ դա վերջնական է: Հարկ ենք համարում տեղեկացնել, որ Արթուր Ալեքսանյանը մասնակցելու է Աշխարհի առաջնությանը»:

UWW-ի ներկայացրած կազմում մյուս քաշային կարգերում հայտավորվել են հետեւյալ ըմբիշները՝ Մանվել Խաչատրյան (55 կգ), Հրաչյա Պողոսյան (60 կգ), Կարեն Ասլանյան (63 կգ), Սլավիկ Գալստյան (97 կգ), Գոռ Խաչատրյան (72 կգ), Մալխաս Ամոյան (77 կգ), Սամվել Գրիգորյան (82 կգ), Վիգեն Նազարյան (87 կգ) եւ Ռազմիկ Քուրդյան (130 կգ)։