Կարեն Ասլանյանն Եվրոպայի առաջնությունում արծաթե մեդալ է նվաճել

Կարեն Ասլանյանն առաջին անգամ դարձել է Եվրոպայի առաջնության արծաթե մեդալակիր։

Բրատիսլավայում ընթացող հունահռոմեական ոճի ըմբշամարտի մինչեւ 63 կգ քաշային կարգի որոշիչ գոտեմարտում նա մրցել է  թուրք Քերեմ Քամալի հետ։ Մրցակիցը շատ վստահ է մեկնարկել ու առաջին մրցափուլում առաջ անցել 7:1 հաշվով։ 

Երկրորդում Եվրոպայի եռակի բրոնզե մեդալակիր Ասլանյանն ընդամենը 1 միավոր է վաստակել ու չի կարողցել հաղթանակի հասնել՝ բավարարվելով 2-րդ հորիզոնականով։

Այսօր ավելի վաղ Արթուր Ալեքսանյանը (97 կգ) զիջել է կիսաեզրափակչում եւ վաղը կպայքարի բրոնզե մեդալի համար։ Բրոնզե մեդալի համար պայքարում էլ պարտություն է կրել Մանվել Խաչատրյանը (55 կգ)։

Րոպեներ անց Մալխաս Ամոյանը (77 կգ) փորձելու է Եվրոպայի քառակի չեմպիոն հռչակվել վրացի Ռամազ Զոիձեի դեմ եզրափակչում։