Արթուր Ալեքսանյանը Եվրոպայի առաջնությունում կպայքարի բրոնզե մեդալի համար

Հունահռոմեական ոճի ըմբշամարտի Եվրոպայի առաջնությունում այօր մեկնարկած 5 ըմբիշներից պայքարը շարունակել է միայն Արթուր Ալեքսանյանը։

Նա կիսաեզրափակչում հանդիպել է բուլղարացի Կիրիլ Միլենով Միլովի հետ։ Առաջին մրցափուլում 1:0 հաշվով առաջ է անցել բուլղարացին, երկրորդում Ալեքսանյանը կարողացել է հավասարեցրել է հաշիվը, սակայն ավելին անել չի ստացվել։ Գոտեմարտն ավարտվել է Միլովի 2:1 հաշվով հաղթանակով, եւ Ալեքսանյանը վաղը կգոտեմարտի բրոնզե մեդալի համար։

Եվրոպայի 7-ակի, Աշխարհի քառակի եւ Օլիմպիական չեմպիոնը մեկնարկել է 1/8 եզրափակչից եւ 2 հաղթանակ տարել։ 

Քիչ անց Մանվել Խաչատրյանը (55 կգ) փորձելու է երկրորդ տարին անընդմեջ բրոնզե մեդալակիր դառնալ ու մրցելու է վրացի Վախթանգ Լոլուայի հետ։ 

Եվրոպայի եռակի բրոնզե մեդալակիր Կարեն Ասլանյանն (63 կգ) եզրափակչում  պայքարելու է 2022-ի Եվրոպայի չեմպիոն թուրք Քերեմ Քամալի հետ, իսկ Եվրոպայի եռակի, Աշխարհի չեմպիոն ու Օլիմպիական բրոնզե մեդալակիր Մալխաս Ամոյանը (77 կգ) ոսկու համար գոտեմարտելու է վրացի Ռամազ Զոիձեի հետ։