ԵԱ-ի եզրափակչում Ասլանյանի եւ Ամոյանի մրցակիցները թուրք ու վրացի են

Բրատիսլավայում ընթացող Եվրոպայի առաջնությունում այսօր եզրափակչում 2 հունահռոմեական ոճի ըմբիշ ենք ունենալու։

Նախ առաջին անգամ չեմպիոնի կոչման համար պայքարելու է Եվրոպայի եռակի բրոնզե մեդալակիր Կարեն Ասլանյանը (63 կգ)։  Նրա մրցակին է լինելու 2022-ի Եվրոպայի չեմպիոն թուրք Քերեմ Քամալը։

Ապա իր 4-րդ չեմպիոնական տիտղոսն է փորձելու նվաճել Աշխարհի հաղթող եւ Օլիմպիական խաղերի բրոնզե մեդալակիր Մալխաս Ամոյանը (77 կգ)։ Նրան եզրափակչում բաժին է ընկել վրացի Ռամազ Զոիձեն։ 

Մանվել Խաչատրյանն (55 կգ) երկրորդ տարին շարունակ գոտեմարտելու է բրոնզե մեդալի համար, նա հանդիպելու է վրացի Վախթանգ Լոլուայի հետ։ Իսկ Կարեն Խաչատրյանը (87 կգ) սփոփիչ գոտեմարտ է անցկացնելու ուկրաինացի Յարոսլավ Ֆիլչակովի հետ, որին հաղթելու դեպքում կմցրի բրոնզի համար։