ԵԱ-ում այսօրվանից պայքարի են դուրս գալիս հունահռոմեական ոճի ըմբիշները

Բրատիսլավայում ըմբիշները շարունակում են պայքարել Եվրոպայի առաջնության մեդալների համար։

Այսօրվանից պայքարի են դուրս գալիս հունահռոմեականները։ Արմեն Բաբալարյանի թիմից ելույթ կունենան 4 ըմբիշ։

Մանվել Խաչատրյանը (55 կգ) քառորդ փուլում հանդիպելու է Թուրքիայի ներկայացուցչին։ Կարեն Ասլանյանը (63 կգ) եւս քառորդ փուլից կսկսի պայքարը, սակայն նրա մրցակցի անունը դեռ հայտնի չէ։

Եվրոպայի գործող չեմպիոն եւ Օլիմպիական բրոնզե մեդալակիր Մալխաս Ամոյանը 1/8 փուլում լեհ մրցակցի դեմ գոտեմարտով կսկսի ԵԱ–ն։ Սերգեյ Խաչատրյանի (87 կգ) մրցակիցը Բուլղարացի ըմբիշն է, իսկ Դավիթ Օվասափյանինը (130 կգ)՝ թուրք։

Գոտեմարտերի սկիզբի Հայաստանի ժամանակով ժամը 12։30–ից է։