Նոր անուններ Հայաստանի թիմերի կազմում. Հայտնի են ԵԱ-ի մասնակից ըմբիշները

Ըմբշամարտի միջազգային ֆեդերացիան ներկայացրել է ապրիլի 7-13-ը Բրատիսլավայում կայանալիք Եվրոպայի առաջնության մասնակից երկրների կազմերը:

Ազատ, հունահռոմեական եւ կանանց պայքարում հանդես են գալու ավելի քան 450 ըմբիշներ:

Հայաստանի ազատ ոճի ընտրանու կազմում են Մանվել Խնձրցյանը (57 կգ), Արսեն Հարությունյանը (61 կգ), Վազգեն Թեւանյանը (65 կգ), Արման Անդրեասյանը (70 կգ), Նարեկ Հարությունյանը (74 կգ), Հայկ Պապիկյանը (79 կգ) եւ Գուրգեն Սիմոնյանը (97 կգ):

Հունմահռոմեականների պայքարում հանդես կգան Մանվել Խաչատրյանը (55 կգ), Կարապետ Մանվելյանը (60 կգ), Կարեն Ասլանյանը (63 կգ), Սլավիկ Գալստյանը (67 կգ), Շանթ Խաչատրյանը (72 կգ), Մալխաս Ամոյանը (77 կգ), Սամվել Գրիգորյանը (82 կգ), Կարեն Խաչատրյանը (87 կգ), Արթուր Ալեքսանյանը (97 կգ) եւ Դավիթ Օվասափյանը  (130 կգ):