Ազատ ոճայինները փետրվարին Տիրանայում միջազգային մրցաշարի կմասնակցեն

Հայաստանի ազատ ոճի ըմբշամարտի հավաքականը հունվարի 24-ից Ծաղկաձորում առաջին հավաքը կանցկացնի ու կսկսի պատրաստվել 2025-ի կարեւոր մրցումներին:

Մինչեւ փետրվարի 6-ը մարզումներին կմասնակցեն 30 ըմբիշներ, որոնք կաշխատեն ընդհանուր ֆիզիկական պատրաստականությունը բարելավելու ուղղությամբ: Այնուհետև հավաքը կշարունակվի Օլիմպավանում:

Փետրվարի 26-ին ազատ ոճայինները միջազգային մրցաշարի կմասնակցեն Տիրանայում, այնտեղ Հայաստանը 7-8 ներկայացուցիչներ կունենա, հայտնում է ՀԱՕԿ-ը:

Դրան հաջորդող կարեւոր մրցաշարը կլինի Բրատիսլավայում ապրիլի 7-13-ը կայանալիք Եվրոպայի առաջնությունը: