Ամմանում շարունակվող մինչեւ 17 տարեկանների հունահռոմեական ոճի ըմբշամարտի Աշխարհի առաջնությունում Հայաստանն այսօր եզրափակչի մեկ մասնակից ունի:
Մինչեւ 45 կգ քաշային կարգում Մարատ Աճեմյանը 3 հաղթանակ է տարել ու դուրս եկել եզրափակիչ: Կիսաեզրափակչում նա 8:0 հաշվով ուժեղ է եղել ուզբեկ Ումիջոն Կարոմովից: Ոսկու համար հայ ըմբիշը երեկոյան կպայքարի չեզոք դրոշի տակ հանդես եկող Ասլանբեկ Կոստոեւի դեմ:
Լյովա Շուխյանը (92 կգ) կիսաեզրափակչում զիջել է ու բրոնզի համար կմրցի, իսկ Սարգիս Հարությունյանը (51 կգ) եւ Սամվել Տերտերյանը (71 կգ) սփոփիչ գոտեմարտ կանցկացնեն:
Երեկ աշխարհի առաջնության բրոնզե մեդալակիրներ են դարձել Յուրիկ Մխիթարյանը (55 կգ) եւ Նարեկ Գրիգորյանը (65 կգ):
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: