Ապրիլ 17, 2024
1022 դիտում

Արթուր Ալեքսանյանի շատ դժվար պայքարում ու համառությամբ տրված 7-րդ ոսկին


Լուսանկարը` UWW

Լուսանկարը` UWW

Լուսանկարը` UWW

Լուսանկարը` UWW

Լուսանկարը` UWW

Լուսանկարը` UWW

Լուսանկարը` UWW

Լուսանկարը` UWW

Լուսանկարը` UWW


Երեկ Բուխարեստում Արթուր Ալեքսանյանը շատ դժվար պայքարում կարողացավ Եվրոպայի առաջնություններում իր 10-րդ մեդալը նվաճել:

Լուսանկարը` UWW


7-րդ ոսկուն հունահռոմեական ոճի ըմբիշը տիրացավ չեզոք դրոշի տակ հանդես եկող Մագոմեդ Մուրթազալիեւի հետ պայքարում:

Լուսանկարը` UWW


Եզրափակիչը բավական բարդ ստացվեց ու Ալեքսանյանից առավելագույն ջանքերը պահանջեց հաղթանակի հասնելու համար:

Լուսանկարը` UWW


Առաջին մրցափուլից հետո նա զիջում էր 0:3 հաշվով, բայց երկրորդի մեկնարկում հավաքվեց ու մրցակցին էլ ոչ մի միավոր չզիջեց: Հնարքները եւ գլորումներն Ալեքսանյանին հեշտ չտրվեցին, սակայն կարեւորն այն էր, որ նա մինչեւ վերջ պայքարեց ու նորից չեմպիոն հռչակվեց:

Լուսանկարը` UWW


Եզրափակիչ սուլիչից հետո նկատվում էր, որ երկու ըմբիշները բավական հոգնել են, Ալեքսանյանը Հայաստանի դրոշով պատվո շրջանն էլ հեշտ չկատարեց:

Լուսանկարը` UWW


Սակայն մյուս կողմից հիացնում ու ոգեշնչում է նրա կայունությունը՝ առաջին մեդալը ԵԱ-ում նվաճել է 2011-ին, այն ժամանակ 3-րդ տեղն է գրավել ու 13 տարիների ընթացքում միայն 3 անգամ մեդալ չի ունեցել:

Լուսանկարը` UWW


2015-ին ԵԱ-ի փոխարեն Բաքվում Եվրոպական խաղեր են եղել, որոնց Ալեքսանյանը չի մասնակցել, իսկ 2019-ի եւ 2021-ի առաջնություններն ըմբիշը բաց է թողել:

Լուսանկարը` UWW


Առաջիկայում նրա համար ամենակարեւոր մրցաշարը լինելու է Փարիզում, որտեղ նա մասնակցելու է իր 4-րդ Օլիմպիական խաղերին (2012՝ բրոնզ, 2016՝ ոսկի ու 2021՝արծաթ) եւ փորձելու է 4-րդ մեդալը նվաճել: Մնում է սպասել մի քանի ամիս ու տեսնել, թե որ մեդալի գույնը կգերակշռի նրա հավաքածուում:

Լուսանկարը` UWW

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին