Հայաստանի առաջնության երկրպագուները, հուշումներ անող Ալեքսանյանն ու չեմպիոնները

«Դինամո» մարզադահլիճում կայացած Հայաստանի հունահռոմեական ոճի ըմբշամարտի առաջնությանը հետեւելու էին եկել մարզիկների ընկերները, ընտանիքի անդամներն ու մարզաձեւի պատանի սիրահարները:

Պայքարին մասնակցած 75 ըմբիշներից հաղթողներ են դարձել Մանվել Խաչատրյանը (55 կգ), Գեւորգ Ղարիբյանը (60 կգ), Հրաչյա Պողոսյանը (63 կգ), Սահակ Հովհաննիսյանը (67 կգ), Աշոտ Խաչատրյանը (72 կգ), Հենրիկ Գեւորգյանը (77 կգ), Կարեն Խաչատրյանը (82 կգ), Գեւորգ Թադեւոսյանը (87 կգ), Հայկ Խլոյանը (97 կգ) եւ Դավիթ Օվասափյանը (130 կգ):

Մասնակցությունից ազատվել էին Մալխաս Ամոյանը, Սլավիկ Գալստյանն ու Արթուր Ալեքսանյանը, որոնք ԱԱ-ում ապահովել են Օլիմպիական խաղերի ուղեգրեր: Նրանք տրիբունաներից էին հետեւում առաջնության ընթացքին, իսկ Ալեքսանյանը խորհուրդներ էր տալիս թիմակիցներին:

Mediamax Sport-ը ներկա է եղել առաջնությանն ու ներկայացնում է լուսանկարները: