Սոֆիայի մրցաշարում հայտնի են հայ ըմբիշների մրցակիցները

Այսօր Սոֆիայում մեկնարկելու է Դան Կոլովի եւ Նիկոլա Պետրովի հուշամրցաշարը:

Հայաստանի հունահռոմեական ոճի ըմբշամարտի հավաքականից ելույթ է ունենալու չորս մարզիկ:

Ռուդիկ Մկրտչյանը (55 կգ) 1/8 փուլում մրցելու է Պաոլո Միլկովի (Բուլղարիա), իսկ Կարապետ Չալյանը՝ Սամվել Գրիգորյանի (82 կգ) հետ:

Հրաչյա Պողոսյանը (63 կգ) պայքարը սկսելու է քառորդ եզրափակչից եւ հանդիպելու Կոմեի Սավադային (Ճապոնիա):

Արմեն Բաբալարյանի սաներից Սլավիկ Գալստյանը (67 կգ), Մալխաս Ամոյանը (77 կգ) եւ Վիգեն Նազարյանը (87 կգ) պայքարի են դուրս գալու վաղը: