Մեկ քայլ դեպի ԵԱ-ի մեդալ. Հայ ըմբիշներին կարեւոր օր է սպասվում

Հռոմում այսօր ավարտվելու է Եվրոպայի ըմբշամարտի առաջնության հունահռոմեական ոճայինների պայքարը:

Վերջին օրը Հայաստանի հավաքականից մեդալների համար պայքարելու են երեք մարզիկներ:

Եզրափակչում Գեւորգ Ղարիբյանը (60 կգ) փորձելու է նվաճել իր առաջին ոսկե մեդալը: Նրա մրցակիցը լինելու է Քերեմ Քամալը (Թուրքիա): ԵԱ-ի հինգերորդ ոսկուն անչափ մոտ է Աշխարհի եռակի ու Օլիմպիական չեմպիոն Արթուր Ալեքսանյանը: Նա մինչեւ 97 կգ քաշային կարգում գոտեմարտելու է Իտալիայի ներկայացուցիչ Նիկոլոզ Կախելաշվիլու հետ:



Երրորդ տեղի համար գոտեմարտ անցկացնելու է Եվրոպայի գործող բրոնզե մեդալակիր Կարեն Ասլանյանը (67 կգ): Նրա մրցակցի անունը դեռ հայտնի չէ: Գոտեմարտերը մեկնարկելու են Երեւանի ժամանակով 21:00-ին:

Լուսանկարը` UWW