Ըմբշամարտի հավաքականների մարզումները տեսանյութով

Ըմբշամարտի Եվրոպայի առաջնությունն այս տարի ավելի շուտ է կայանալու: Պատճառը վարկանշային մրցաշարերն են, որոնք կլինեն գարնանը:

Փետրվարի 10-ին Հռոմում մեկնարկող առաջնությունում առաջինը պայքարի են դուրս գալու հունահռոմեականները:

Էդուարդ Սահակյանի գլխավորությամբ մեդալների համար պայքարելու են Ռուդիկ Մկրտչյանը (55 կգ), Գեւորգ Ղարիբյանը (60 կգ),  Սահակ Հովհաննիսյանը (63 կգ), Կարեն Ասլանյանը (67 կգ), Մալխաս Ամոյանը (72 կգ), Կարապետ Չալյանը (77 կգ), Ռուբեն Ղարիբյանը (82 կգ), Մաքսիմ Մանուկյանը (87 կգ), Արթուր Ալեքսանյանը (97 կգ) եւ Դավիթ Օվասափյանը (130 կգ):



Փետրվարի 14-ից գորգը տրամադրվելու է ազատ ոճի ըմբիշներին: ԵԱ-ում մինչեւ փետրվարի 16-ը Հաբեթնակ Կուրղինյանի թիմից ելույթ է ունենալու 10 մարզիկ:



Նրանք են՝ Միհրան Ջաբուրյան (57 կգ), Արսեն Հարությունյան (61 կգ), Վալոդյա Ֆրանգուլյան (65 կգ), Գեւորգ Մխեյան (70 կգ), Հրայր Ալիխանյան (74 կգ), Արման Ավագյան (79 կգ), Հովհաննես Մխիթարյան (86 կգ), Մարզպետ Գալստյան (92 կգ), Սարգիս Հովսեփյան (97 կգ) եւ Լեւան Բերիանիձե (125 կգ):