Հայաստանի ազատ ոճի ըմբշամարտի հավաքականը գլխավոր մարզիչ Արայիկ Բաղդադյանի գլխավորությամբ Վլադիկավկազում հանգստյան օրերին մասնակցել է Սոսլան Անդիեւի միջազգային մրցաշարին:
Երկրորդ տարին անընդմեջ իրեն հիանալի է դրսեւորել ու 57 կգ քաշային կարգի հաղթող դարձել Գարիկ Բարսեղյանը: Եզրափակչում նա 5:4 հաշվով առավելության է հասել դաղստանցի Ռուստամ Կարախանովի նկատմամբ: Հայ ըմբիշը ստացել է նաեւ 15 հազար ռուբլի մրցանակ:
Գառնիկ Մնացականյանն էլ նույն քաշային կարգում դարձել է բրոնզե մեդալակիր:
