Լեհաստանի Վալբրիզ քաղաքում այսօր մեկնարկելու է Եվրոպայի մինչեւ 23 տարեկանների առաջին առաջնությունը:
Հաղթողների կոչման համար պայքարելու են 30 երկրների 18-23 տարեկան մինչեւ 350 ըմբիշներ: Նրանից 12-ը հայ են՝ 7-ը ազատ ու 5-ը հունահռոմեական ոճի: Այսօր պայքարի մեջ են մտնելու հայ ազատ ոճայինները:
Մրցութային առաջին օրը մեդալներ են խաղարկվելու մինչեւ 57,65, 74 եւ 97 կգ քաշային կարգերում:
Արտակ Հովհաննիսյանը (57 կգ) 1/8 եզրափակչում մրցելու է Երհան Օկտավիանի (Ռումինիա) հետ, 65 կգ քաշային կարգում Նարեկ Սիրունյանի մրցակիցը լինելու է հույն Կիրիլիոս Բինենբաումը: Կրկին նույն փուլից է պայքարը սկսելու նաեւ մինչեւ 74 կգ քաշային Գրիգոր Գրիգորյանը, նա ուժերն է չափելու լեհ Քամիլ Ռիբիցկու հետ:
97 կգ քաշային կարգում Հայաստանի հավաքականի նորեկ Վիկտոր Կազիշվիլին 1/16 եզրափակչում հանդիպելու է Գենադի Կուդինովիչին (Գերմանիա):
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: