Պորտուգալիայի ֆուտբոլի հավաքականն Աշխարհի 2026 թվականի առաջնության ընտրական փուլում Երեւան կժամանի ուժեղագույն կազմով։
Թիմի գլխավոր մարզիչ Ռոբերտո Մարտինեսն այսօր ասուլիսի ժամանակ խոստովանել է, որ իրենց նպատակն է հաղթել առաջիկա երկու դիմակայություններում (Հայաստանին ու Հունգարիային)։
Բացի այդ նա խոստովանել է, որ թիմում շատ են զգալու ամռանն ավտովթարի հետեւանքով մահացած Դիոգո Ժոտայի կարիքը։
«Սա առաջին հանդիպումն է լինելու առանց Դիոգոյի։ Մենք գիտենք ինչ է նշանակում Դիոգոն յուրաքանչյուրիս համար, ինչ ազդեցություն ունեցավ նա մեր կյանքի վրա։ Նա մեզ հետ կլինի եւ ուժ կտա մեր նպատակներին հասնելու համար։ Մենք կհաղթենք հանուն Դիոգոյի, նրա եղբոր՝ Անդրեի եւ, ինչպես միշտ, բոլոր պորտուգալացիների։ Մենք սրանից հետո կունենանք 23+1 խաղացող»,- ասել է Մարտինեսը։
Նա նաեւ ասել է, որ Ժոտայի 21 համարի մարզաշապիկը կրելու է նրա մտերիմ ընկեր Ռուբեն Նեւեշը․ «Դա մարզչի կամ Պորտուգալիայի ֆուտբոլի ֆեդերացիայի կայացված որոշումը չէ։ Դա Դիոգո Ժոտայի ընտանիքի որոշումն է»։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: