Հայաստանի ընտրանու մեկնարկը ծանրամարտի ԱԱ-ում տվեց Գառնիկ Չոլակյանը

Հայաստանի ծանրամարտի հավաքականի մեկնարկն Աշխարհի առաջնությունում, որն ընթանում է նորվեգական Ֆյորդե քաղաքում, տվեց այս տարվա Եվրոպայի բրոնզե մեդալակիր Գառնիկ Չոլակյանը։

Քիչ առաջ մինչեւ 60 կգ քաշային կարգում 22-ամյա ծանրորդը երկամարտի 275 կգ արդյունքով գրավեց 10-րդ տեղը։

Պոկում վարժությունում Չոլակյանը վստահ գործեց միայն առաջին մոտեցման ժամանակ, երբ իրեն ենթարկեց 123 կիլոգրամանոց ծանրաձողը։ 2-ի համար մարզիչները պատվիրեցին 128 կգ, սակայն նա չկարողացավ բարձրացնել այն, անհաջող ստացվեց նաեւ 130 կգ-ն։

Հրման ժամանակ եւս հայ ծանրորդը մեկ մոտեցում բարեհաջող կատարեց՝ 152 կգ։ Նշենք, որ այս տարվա Եվրոպայի առաջնությունում եւս նրա երկամարտի արդյունքը 275 կգ էր։   

Հոկտեմբերի 5-ին ժամը 21։30-ից պայքարի դուրս կգա Գոռ Սահակյանը (71 կգ)։