Աշոտ Մովսիսյանը դարձել է երիտասարդական ԱԱ-ի բրոնզե մեդալակիր

Իսպանիայի Լեոն քաղաքում ավարտվել է ծանրամարտի Աշխարհի երիտասարդական առաջնությունը։

Մրցումային վերջին օրը Հայաստանի տղամարդկանց ընտրանուն վերջապես հաջողվել է մեդալ նվաճել։ +109 կգ քաշային կարգում երրորդ տեղը գրավել է Աշոտ Մովսիսյանը։ Նա պոկում վարժությունում բարձրացրել է 158, իսկ հրումում՝ 208 կգ ծանրաձող։ Երկամարտի 366 կգ արդյունքով Մովսիսյանը նվաճել է բրոնզե մեդալ։ ԱԱ-ի հաղթող դարձել է Նամ Ջիյոնգը (Կորեա), որը ցույց է տվել 383 կգ։

Ավելի վաղ Հայաստանի աղջիկների հավաքականից ոսկե մեդալ էր նվաճել Էմմա Պողոսյանը, իսկ Ալեքսանդրա Գրիգորյանը եւ Աննա Ամրոյանը կանգնել էին պատվոհարթակի 3-րդ աստիճանին։