Հայաստանի երիտասարդական թիմերը կմասնակցեն ծանրամարտի ԱԱ-ին

Սեպտեմբերի 19-27-ն Իսպանիայի Լեոն քաղաքում կայանալու է ծանրամարտի մինչեւ 20 տարեկանների Աշխարհի առաջնությունը։

Հայաստանի հավաքականները եւս մասնակցելու են պայքարին։ Ինչպես հայտնում է ծանրամարտի միջազգային ֆեդերացիայի կայքը, հայտավորված է 8 հայ ծանրորդ։

Աղջիկների պայքարում հանդես են գալու Ալեքսանդրա Գրիգորյանը (55 կգ), Աննա Ամրոյանը (76 կգ) եւ Էմմա Պողոսյանը (81 կգ)։

Սեյրան Խուդանյանը (55 կգ), Մերուժան Եղոյանը (61 կգ), Մարտին Պողոսյանը (73 կգ), Նարեկ Մկրտչյանը (81 կգ) եւ Աշոտ Մովսիսյանը (+109 կգ) հանդես կգան տղաների մրցաշարում։