Հայաստանի օլիմպիական պատվիրակությունն այս գիշեր վերադարձել է Ռիոյից:
Օլիմպիական խաղերի հաղթող Արթուր Ալեքսանյանին, արծաթե մեդալակիրներ Միհրան Հարությունյանին, Գոռ Մինասյանին ու Սիմոն Մարտիրոսյանին դիմավորելու էին եկել բազմաթիվ երկրպագուներ:
«Զվարթնոց» օդանավակայանում իսկական տոն ու ուրախություն էր: Կենդանի երաժշտությամբ, երգ ու պարով եւ հսկայական պաստառներով էին մարդիկ եկել իրենց շնորհակալությունը հայտնելու ու մեծարելու հայ մարզիկներին:
Նրանց օդանավակայանում դիմավորել են նաեւ Հայաստանի վարչապետ Հովիկ Աբրահամյանը, ՀԱՕԿ-ի նախագահ Գագիկ Ծառուկյանը եւ սպորտի ու երիտասարդության հարցերի նախարար Գաբրիել Ղազարյանը:
Այնուհետեւ խաղերի մեդալակիրներն իրենց համար նախատեսված ավտոբուսով ուղեւորվել են Հանրապետության հրապարակ, որտեղից էլ արդեն մեկնել են իրենց բնակավայրեր:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: