Մադրիդի «Ռեալն» «Էսպանյոլին» 4:0 հաշվով հաղթելուց հետո ժամանակից շուտ ապահովեց չեմպիոնությունն Իսպանիայի առաջնությունում:
Լուսանկարը` Reuters
Այս չեմպիոնությունն Արքայական ակումբի համար 35-րդն է: Իսկ ավելի վաղ մադրիդցիներն այս մրցաշրջանում տիրացել էին Իսպանիայի Սուպերգավաթին:
Լուսանկարը` Reuters
«Ռեալն» իր տիտղոսների թիվը հասցրել է 95-ի՝ առաջ անցնելով «Բարսելոնայից»:
Լուսանկարը` Reuters
Կարլո Անչելոտտիի թիմը 34 խաղում վաստակել է 81 միավոր եւ չեմպիոնությունն ապահովել ապրիլին:
Լուսանկարը` Reuters
Սա «Ռեալի» ամենաշուտ գրանցած հաջողությունն է՝ 1989-90 մրցաշրջանում մադրիդցիները հաղթանակն ամրագրել էին առաջնության ավարտից 4 տուր առաջ:
Լուսանկարը` Reuters
Արժե նշել, որ «Ռեալն» ազգային առաջնություններում հաղթանակների քանակով առաջ է անցել «Յուվենթուսից»: Վերջինս Իտալիայի առաջնությունում չեմպիոն դարձել է 34 անգամ:
Լուսանկարը` Reuters
Անչելոտտին ֆուտբոլի պատմության միակ մարզիչն է, որը չեմպիոն է դարձել եվրոպական թոփ-5 առաջնություններում: 62-ամյա իտալացին «Միլանի» հետ հաղթել է Իտալիայի, «Չելսիի»՝ Անգլիայի, ՊՍԺ-ի՝ Ֆրանսիայի եւ «Բավարիայի»՝ Գերմանիայի առաջնություններում:
Լուսանկարը` Reuters
«Ռեալի» ավագ Մարսելոն ակումբի հետ նվաճել է իր 24-րդ տիտղոսը: Այս ցուցանիշով նա գերազանցել է Ֆրանսիսկո Խենտոյին, որը սերուցքայինների հետ տիրացել է 23 տիտղոսի:
Լուսանկարը` Reuters
Մադրիդի «Սիբելես» հրապարակում սիրելի թիմի հաղթանակը նշել է շուրջ 250 հազար երկրպագու:
Լուսանկարը` Reuters
Վերջիններս վանկարկել են նաեւ «այո, մենք կարող ենք» արտահայտությունը՝ նկատի ունենալով ՉԼ-ում «Մանչեսթեր Սիթիի» դեմ սպասվող խաղը:
Լուսանկարը` Reuters
Իսկ «Սիթիին» մադրիդցիները հյուրընկալելու են մայիսի 4-ին: Հիշեցնենք, որ առաջին խաղում հաղթանակ տարել են անգլիացիները՝ 4:3:
Լուսանկարը` Reuters
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: