Հանրապետական ստադիոնում հավաքված երկրպագուներն ԵՎՐՈ-2020-ի ընտրական Հայաստան-Բոսնիա եւ Հերցեգովինա խաղին աննկարագրելի հույզերի ու պայքարի ականատես եղան:
Հանդիպման արդեն 5-րդ րոպեին դարպասի 2 գրավում կար, որոնք հեղինակել էին «Ռոմայի» ֆուտբոլիստները` Էդին Ջեկոն ու Հենրիխ Մխիթարյանը:
Լուսանկարը` REUTERS
Հայաստանի հավաքականի ավագն իր բարձրության վրա էր ու վերջին շրջանում ամենալավ հանդիպումներից մեկն անցկացրեց հավաքականում: Նա իսկական առաջատարի պես իր հետեւից տարավ թիմը: Այդ մասին ասուլիսի ժամանակ նշեց գլխավոր մարզիչ Արմեն Գյուլբուդաղյանցը:
Լուսանկարը` REUTERS
Հանդիպումը չափազանց նյարդային ստացվեց նաեւ Գյուլբուդաղյանցի համար: Ամբողջ հանդիպման ընթացում նա իր տեղը չէր գտնում ու մի քանի անգամ քիչ էր մնում խաղադաշտ մտներ:
Լուսանկարը` REUTERS
1:1-ի ժամանակ Հայաստանի հավաքականն ամեն ինչ անում էր հաշվի մեջ կրկին առաջ անցնելու համար, մի քանի հեռահար հարվածներ տեղացին Բոսնիա եւ Հերցեգովինայի դարպասին, որոնցից մեկի հեղինակն էլ Տիգրան Բարսեղյանն էր:
Լուսանկարը` REUTERS
Իտալիային նախորդ խաղում զիջելուց հետո ուղեգրի համար պայքարը շարունակելու համար բոսնիացիների հետ ամեն գնով հաղթանակի հասնել էր պետք, ու նոր ակումբ տեղափոխված Մխիթարյանը թիմային գեղեցիկ գրոհի արդյունքում հաշիվը 2:1 դարձրեց:
Լուսանկարը` REUTERS
Մրցակիցն էլ խաղի իր պլաններն ուներ ու հեշտ հանձնվել չէր պատրաստվում, հորդառատ անձրեւն ու հայ երկրպագուների ակտիվությունը նրանց չէին խանգարում, հաշիվն արդեն 2:2 էր, բայց մինչեւ 77-րդ րոպեն:
Լուսանկարը` REUTERS
Դրանից հետո եղավ Հովհաննես Համբարձումյանի գոլը, որը նորից հաղթելու շանս բերեց Հայաստանին:
Լուսանկարը` REUTERS
Մինչեւ վերջին րոպեները հաղթականը դեռ ապահովված չէր, նորանոր վտանգավոր գրոհներ էին տեղում Արամ Հայրապետյանի դարպասին, որը մի քանի լավ սեյվերով աչքի ընկավ: Էմոցիոնալ դարպասապահը մրցավարի սուլիչից հետո թիմակից Կամո Հովհաննիսյանի հետ ուրախացավ անչափ կարեւոր 3 միավորով:
Լուսանկարը` REUTERS
Երկրպագուները երեկոյի կարեւոր մասն էին, ու գոլից հետո Մխիթարյանը շտապեց հենց նրանց հետ տոնել իր դուբլը:
Լուսանկարը` REUTERS
Իսկ հանդիպման վերջակետը ֆուտբոլիստներն ու երկրպագուները միասին դրեցին` իսլանդացիների պես Հու վանկարկելով ու ծափահարելով:
Լուսանկարը` REUTERS
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: