Ջակարտայում ընթացող Աշխարհի առաջնությունում հայ մարմնամարզիկները շարունակում են հիացնել իրենց արդյունքներով:
Մեծահասակների ԱԱ-ում իր առաջին մեդալն է նվաճել 18-ամյա Մամիկոն Խաչատրյանը: Եզրափակչում հայ մարմնամարզիկը բարելավել է որակավորման փուլի իր արդյունքն ու վաստակել 14,600 միավոր: Դա նրան հնարավորություն է տվել կանգնել պատվոհարթակի 2-րդ աստիճանին:
Համլետ Մանուկյանը վաստակել է 14,433 միավոր ու մեդալային պայքարին խառնվել չի կարողացել, ելույթն ավարտել է 4-րդ տեղում:
Աշխարհի չեմպիոնի կոչումը Խաչատրյանի վաստակած նույն միավորների քանակով նվաճել է չինացի Հոնգ Յանմինգը, իսկ ամերիկացի Պատրիկ Հուփսը բրոնզե մեդալակիրն է:
Հոկտեմբերի 25-ին հենացատկում մեդալի համար կպայքարի Աշխարհի ու Եվրոպայի չեմպիոն, Օլիմպիական արծաթե ու բրոնզե մեդալակիր Արթուր Դավթյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: