Հայաստանի թենիսի կանանց ընտրանին Ջին Քինգի գավաթում մեկնարկել է հաղթանակով

Հայաստանի թենիսի կանանց հավաքականը հաղթանակով է մեկնարկել Մոլդովայում ընթացող Բիլլի Ջին Քինգի գավաթի խաղարկությունում:

Երրորդ ենթախմբում ընդգրկված Հայաստանի հավաքականը 3:0 հաշվով ուժեղ է եղել Սան Մարինոյից: Մենախաղում հաղթանակ են տարել Ալեքսանդրա Կորնեւան (6:1, 6։1) ու Ալինա Սողոմոնյանը (6:4, 1։6, 6։3)։ Անի Ամիրաղյան-Ալինա Սողոմոնյան զույգը 6:2 6։1 հաշվով հաղթել է նաեւ զուգախաղում։

Հայաստանի հետ նույն խմբում են ընդգրկված նաեւ Մալթայի ու Անդորրայի հավաքականները։