Արման Ծառուկյանը հաղթանակ է տոնել ու խոսել տիտղոս նվաճելու ցանկության մասին

Մոսկվայում կայացած Abu Dhabi Extreme Championship-ի ժամանակ UFC մարտիկ Արման Ծառուկյանը հաղթանակ է տարել Պատրիկ Ֆրեյերի նկատմամբ։

ADXC 10-ն ընթացել է գրեփլինգի կանոններով։ Բրազիլացի մարտիկը մինչեւ 5-րդ ռաունդը կարողացել է դիմադրել, սակայն հետո Ծառուկյանի գրոհների արդյունքում ստիպված հանձնվել է։

Հաղթանակից հետո նրան հարցրել են նաեւ Իսլամ Մախաչեւի հետ հնարավոր հանդիպման մասին։

«Այս պահի դրությամբ դա փակված թեմա է։ Իսլամն այլ քաշային կարգ է տեղափոխվել, իսկ ես մնացել եմ թեթեւ քաշային կարգում։ Ես պետք է տիտղոս նվաճեմ այստեղ, իսկ հետո մտածեմ այլ քաշում հանդես գալու մասին»,-ասել է Ծառուկյանը։