Հայաստանի բասկետբոլի ընտրանին երեւանյան ԵԱ-ում կմեկնարկի Լատվիայի դեմ խաղով

Այս ամռանը Երեւանն ընդունելու է Եվրոպայի մինչեւ 20 տարեկանների բասկետբոլի Բ դիվիզիոնի առաջնությունը։

Բասկետբոլի ֆեդերացիան տեղեկացնում է, որ հայտնի է դարձել Հայաստանի հավաքականի խաղերի ժամանակացույցը։ Առաջին հանդիպումը հայ բասկետբոլիստներն անցկացնելու են հուլիսի 11-ին Լատվիայի դեմ։ Հուլիսի 12-ին, 13-ին ու 15-ին Հայաստանի ընտրանին կմրցի Մոնտենեգրոյի, Իռլանդիայի եւ Էստոնիայի թիմերի դեմ։ Բոլոր հանդիպումները մեկնարկելու են 20։00-ին։

Առաջնությունն ընթանալու է Կարեն Դեմիրճյանի անվան մարզահամերգային համալիրում, իսկ տոմսերի վաճառքը մեկնարկի մայիսի 15-ից։