Կառլոս Ալկարասը Պեկինի մրցաշարի կիսաեզրափակչում է

Պեկինում ընթացող ATP-500 կարգի մրցաշարում քիչ առաջ ավարտվել է քառորդ եզրափակչի Կառլոս Ալկարաս-Կարեն Խաչանով հանդիպումը։

Ավելի քան մեկ ժամ տեւած դիմակայությունում հաղթանակ տոնել է իսպանացին՝ 7։5, 6։2։ Ալկարասը դուրս է եկել կիսաեզրափակիչ, որտեղ հանդիպելու է Դանիլ Մեդվեդեւի հետ։ Վերջինս մյուս քառորդ եզրափակչում 6։2, 6։4 հաշվով ուժեղ է եղել Ֆլավիո Կոբոլիից։

Չինաստանի բաց առաջնությունն ավարտվելու է հոկտեմբերի 3-ին։