UFC-ի թեթեւ քաշային կարգում չեմպիոնական կոչման նախկին հավակնորդ Մայքլ Չենդլերն անդրադարձել է Արման Ծառուկյանին:
Վերջին հարցազրույցներից մեկում հայազգի մարզիկը նշել է, որ պատրաստ է անգամ մեկ տարի սպասել Իսլամ Մախաչեւի դեմ մենամարտին:
Ամերիկացին օգտվել է առիթից ու Ծառուկյանին հիշեցրել, թե ինչպես է վերջինս ծաղրել իրեն Քոնոր ՄաքԳրեգորի դեմ մենամարտից առաջ ու նրան մեղադրել անգործության մեջ:
«Մեկ վայրկյան, Արման, դու ասել ես, որ կսպասես մեկ տարի: Դա քեզ շարքից կհանի 17 ամսով: Այդքան ժամանակ մենամարտի՞ ես սպասելու: Ինչ-որ մեկի աչքում գերան է մնացել», - սոցիալական կայքերում գրել է Չենդլերը:
Ըստ որոշակի տեղեկությունների՝ Ծառուկյանի եւ Մախաչեւի միջեւ տիտղոսային մենամարտը կայանալու է հաջորդ տարվա սկզբին, իսկ Չենդլերը համաձայնվել է նոյեմբերի 16-ին Նյութ Յորքում կայանալիք UFC 309 մրցաշարի շրջանակներում հանդիպել Չարլզ Օլիվեյրային, որին հայազգի մարզիկն արդեն հաղթել է:
Չենդլերը մտադիր է հաղթանակ տանել ու հանդիպել Մախաչեւ-Ծառուկյան դիմակայության հաղթողի հետ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: