Սեն գետի ջրի բարձր մակարդակի պատճառով ՕԽ-ի բացման փորձը հետաձգվել է

Ապրիլի 8-ին նախատեսված Փարիզի Օլիմպիական խաղերի բացման արարողության փորձը հետաձգվել է, պատճառը Սեն գետի ջրի բարձր մակարդակն է:

Le Parisien-ը գրում է, որ ջուրն այնքան է վարարել, որ նավակներին թույլ չի տա նորմալ արագությամբ անցնել կամուրջների տակով: Պարբերականի տվյալներով, կազմակերպիչները փորձը կիրականացնեն մայիսի 27-ին: Կազմկոմիտեն տեղեկացնում է, որ այդ տեղափոխությունն ոչ մի կերպ չի անդրադառնա բացման արարողության վրա:

Նախատեսվում է բացմանը ներգրավել 180 նավակ, որոնց մեծամասնությունը տեղափոխելու է տարբեր երկրների մարզական պատվիրակություններին, մյուսների վրա էլ տեղակայվելու են անվտանգության աշխատակիցներն ու տեխնիկական անձնակազմը:

Խաղերի բացումը տեղի է ունենալու հուլիսի 26-ին, միջոցառումը շարունակվելու է մինչեւ օգոստոսի 11-ը: