Կարեն Խաչանովն ու Անդրեյ Ռուբլյովը Գլենդելում կայացած բարեգործական խաղում 100 հազար դոլար են հավաքել արցախահայության համար:
Հանդիպումն ավարտվել է Խաչանովի 6:3, 4:6, 10:8 հաշվով հաղթանակով:
«Հանգստյան օրերին նորից իմ մասնակցությամբ բարեգործական հանդիպում կայացավ՝ ի պաշտպանություն Հայաստանի եւ Արցախի ժողովրդի: Մեզ հաջողվեց հավաքել 100 հազ. դոլար գումար: Ուզում եմ շնորհակալություն հայտնել միջոցառմանը մասնակցած ամեն մարդու, մասնավորապես՝ իմ լավ ընկեր Անդրեյ Ռուբլյովին, ով անտարբեր չեղավ, կազմակերպիչ Էրիկ Իսրայելյանին եւ իմ հովանավորներ Wilson-ին եւ Nike-ին, որոնք 100 ռակետ ու համազգեստ են ուղարկել երեխաների համար: Սա Հայաստանին եւ Արցախին օգնելու իմ ճամփորդության սկիզբն է, բայց համոզված եմ, որ անգամ փոքր քայլերն ապագայում մեծ փոփոխությունների կհանգեցնեն»,- գրել է Խաչանովը:
Միջոցառումը կազմակերպել է Homenetmen Glendal Ararat թենիսի ակումբը: Թենիսիստներին երկրպագուները բուռն ծափահարություններով են դիմավորել, իսկ խաղացողները երեկոյի հյուրերին անմոռանալի պահեր են պարգեւել:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: