Երեկ 94 տարեկանում կյանքից հեռացավ լեգենդար Ալբերտ Ազարյանը: Ամբողջ Հայաստանն ու մարզաշխարհը սգում են Օլիմպիական եռակի չեմպիոնի մահը: Նրանք գրառումներ են կատարել սոցկայքերում ու հրաժեշտ տվել Ազարյանին:
Արթուր Դավթյան
«Հայկական սպորտի լեգենդ»,- գրել է Դավթյանն ու համատեղ մի քանի լուսանկար հրապարակել:
Լուսանկարը` անձնական արխիվ
Հակոբ Սերոբյան
«Աստված հոգիդ լուսավորի, մեր ուսուցիչ»:
Վահագն Դավթյան
«Լույսերի մեջ մնաս, մեծն Ալբերտ Ազարյան»:
Լուսանկարը` անձնական արխիվ
Գագիկ Վանոյան
«Պատիվ ու երջանկություն էր լինել քո ժամանակակիցը, հանգչիր խաղաղությամբ, սիրելի վարպետ»։
Հայաստանի ֆուտբոլի ֆեդերացիա
«ՀՖՖ-ն ցավակցում է Ալբերտ Ազարյանի մահվան կապակցությամբ: 94 տարեկանում կյանքից հեռացել է հայկական սպորտի բոլոր ժամանակների մեծագույն ներկայացուցիչներից մեկը՝ Օլիմպիական խաղերի եռակի չեմպիոն, օղակների արքա Ալբերտ Ազարյանը:
Հայաստանի ֆուտբոլի ֆեդերացիան հայտնում է իր խորին ցավակցությունն Ալբերտ Ազարյանի ընտանիքի անդամներին, հարազատներին ու մարզական աշխարհի բոլոր ներկայացուցիչներին»:
Լուսանկարը` FC Urartu
«Ուրարտու» ֆուտբոլային ակումբ
«Մեծ ցավով տեղեկացանք, որ կյանքի 94-րդ տարում մահացել է հայկական մարմնամարզության լեգենդ, Օլիմպիական խաղերի եռակի եւ Աշխարհի կրկնակի չեմպիոն Ալբերտ Ազարյանը։
Ազարյանի անունը ոսկե տառերով է գրված հայկական ու համաշխարհային սպորտի տարեգրությունում եւ հավերժ կմնա մեր հուշերում։
«Ուրարտու» ֆուտբոլային ակումբը ցավակցում եւ իր զորակցությունն է հայտնում Ազարյանի հարազատներին ու բարեկամներին»։
«Արարատ» ֆուտբոլային ակումբ
«Սգում ենք Օլիմպիական լեգենդ, հայ մարմնամարզիկ Ալբերտ Ազարյանի մահվան կապակցությամբ»:
Հայաստանի ըմբշամարտի ֆեդերացիա
«Հայաստանի ըմբշամարտի ֆեդերացիան խորապես ցավում է լեգենդար մարզիկ, Օլիմպիական եռակի չեմպիոն Ալբերտ Ազարյանի կորուստը... Մեր զորակցությունն ենք հայտնում Ազարյանների ընտանիքին»:
Լուսանկարը` Հայաստանի մարմնամարզության ֆեդերացիա
Հայաստանի ձյուդոյի ֆեդերացիա
«Կյանքից հեռացել է մեր ժամանակների լեգենդ, Օլիմպիական խաղերի եռակի չեմպիոն, բոլոր ժամանակների մեծագույն հայ մարմնամարզիկ Ալբերտ Ազարյանը։
Հայաստանի ձյուդոյի ֆեդերացիան ցավակցում է Ազարյանի ընտանիքի անդամներին եւ հարազատներին»։
Հայաստանի բասկետբոլի ֆեդերացիա
«Հայաստանի բասկետբոլի ֆեդերացիան խորապես ցավում է հռչակավոր մարմնամարզիկ, Օլիմպիական խաղերի եռակի չեմպիոն Ալբերտ Ազարյանի կորուստը: Նրա անունը անջնջելի կմնա համաշխարհային եւ հայկական սպորտի պատմագրքում: Մեր զորակցությունն ենք հայտնում ընտանիքի անդամներին ու հարազատներին»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: