Ճապոնիան իր պատմության մեջ 2-րդ անգամ անցկացնելու է ամառային Օլիմպիական խաղերը: Այս անգամ դրանք կայանալու են հուլիսի 24-ից օգոստոսի 9-ը Տոկիոյում:
Խաղերի կազմակերպիչներն արդեն հայտարարել են Օլիմպիական խաղերի կարգախոսը, որի շուրջ համախմբվելու են ամբողջ աշխարհի մարզիկները:
«Միավորված զգացմունքներով» կարգախոսն արտացոլում է ունիվերսալ արժեքներ ու միավորում սպորտի ուժը:
«Երկրպագուներն, որոնք իրար մինչեւ խաղերը չեն ճանաչել, հավաքվելու են միասին ու բացահայտելու, որ նրանց ավելի շատ բան է միավորում, քան բաժանում»,- հայտնել են Տոկիո-2020-ի կազմակերպիչները:
