Հայտնի են Համահայկական խաղերի վոլեյբոլի չեմպիոնները

Համահայկական 6-րդ խաղերում երեկ ավարտվել է վոլեյբոլի մրցաշարը:

Տղամարդկանց պայքարում երրորդ տեղի համար խաղում ուժերն են չափել Ստեփանակերտի ու Պիրեյի թիմերը: Արցախցիները կարողացել են բոլոր երեք մրցափուլերում էլ հաղթանակ տանել ու նվաճել Համահայկական խաղերի բրոնզե մեդալները:

Եզրափակչում էլ հանդիպել են Երեւանն ու Մեծամորը: Այստեղ էլ առավելություն են ունեցել երեւանցիները, որոնք շահել են երեք մրցափուլերն ու դարձել հաղթողներ:

Կանանց պայքարում ոսկե մեդալների արժանացել են Չալթրի վոլեյբոլիստուհիները, նրանք 3:0 հաշվով հաղթել են Երեւանին: Իսկ երրորդ տեղի համար պայքարում Սիսիանը 3:2 հաշվով ուժեղ է եղել Բիթլիսից: